ನಾವ್ ಎನ್ಸಕಂಬುದೆ ಬೇರೆ ಅದ್ ಆಪುದೆ ಬೇರೆ

ಜನ ಹೌದ್ ಮರ್ರೆ ನೀವ್ .... ಗಣೇಶನ್ ನೆಗದ್ದ್  ಬಿದ್ದ ಲವ್ ಸ್ಟೋರಿ ಬಾಯಿ ಕಳ್ಕಾ ಕೆoಡ್ರಿ... ಕಡಿಗ್ ಒಂದ್ ಮಾತಾರು ಕೆoಡ್ರ್ಯಾ ನಮ್ಮ್ ಗಂಡ್ ಹ್ಯಾಂಗಿದ್ದ ಅಂದೆಲಿ...


ನಿಮ್ಗಂತೂ ಒಂದ್ ಮಾತ್ ಕೆಂಬುಕ್ ಉದಾಸೀನ ... ನನ್ನತ್ರ ಗಂಡಿನ್ ಗೊಳ್ ಕಾಂಬುಕ್ ಆತಿಲ್ದೆ .... ಪಾಪಾ ಮರ್ರೆ ಹಾಯ್ಸರ್ ಹಾವ್ ಕಚ್ದಾಂದ್ ವಿಲಿ ವಿಲಿ ಒದ್ದಾಡ್ತಾ ಮರ್ರೆ . ದಿನಕ್ ಮಂಜನ್ ಗೂಡಂಗಡಿದ್ ಒಂದ್ ಪ್ಯಾಕ್ ಬ್ರಿಸ್ಟೊಲ್ ಖಾಲಿ ಮಾಡ್ತಾ... ಮಂಜಂಗ್ ಅಂತೂ ಒಳಗೊಳಗೆ ಖುಷಿ ಒಳ್ಳೆ ವ್ಯಾಪರಾ ಆತ್ತ್ ಅಂದೆಲಿ.

ನಮ್ ಗಣೇಶನ್ ಗುರ್ತ ಇತ್ತ ನಿಮ್ಗೆ? ಭಂಡಾರ್ಕಾರ್ಸ್ ಕಾಲೇಜಲ್ ಬಿ ಏ ಫೈನಲ್ ಇಯರ್ ... ಗಂಡ್ ಗನಾದೆ ... ಈ ಲವ್ ಅಂದಿಕ್ ಹಾಳಾಯಿ ಹೋಯ್ತ್ ....ಈ ಈಗಿನ್ ಕಾಲದ್ ಲವ್ ಯಾರಿಗಾರು ಒಳ್ಳೇದ್ ಮಾಡದ್ ಇತ್ತಾ ? ಅಪ್ಪಯ್ಯ  ಗಡ ನನ್ಹತ್ರ ಇಂಜಿನಿಯರಿಂಗ್ ಎಲ್ಲ ಓದ್ಸುಕ್ ಆತಿಲ್ಲ ಮಗ , ಡಿಗ್ರಿ ಎಂತಾರು ಮಾಡ್ಕೋ ಅಂದ್ರ್, ಅವ್ರಿಗೂ ಮನ್ಸಲ್ ಇದ್ದೀತೆ ಗಂಡ್ ದೊಡ್ಡ್ ಇಂಜಿನಿಯರ್ ಆಯ್ಕ್ ಅಂದೆಲಿ... ಆರ್ ಎಂತಾ ಮಾಡುದ್ ಅವ್ರತ್ರ ಅಷ್ಟ್ ಓದ್ಸು ಕೆಪಾಸಿಟಿ ಇರ್ಲಿಲ್ಲ... ಅದ್ ಬಿಡಿ .. ಗಣೇಶ ಬಿ ಏ ಮಾಡ್ಕಂಡ್ ಸಿ ಏ ಮಾಡುವ ಅಂದಿಕ್ ಕಾಲೇಜ್ ಮೆಟ್ಲ್ ಹತ್ದಾ ...ಫಸ್ಟ್ ಇಯರ್ ೭೮% .... ಒಳ್ಳೆ ಗಂಡ್ .. ಒಂದ್ ಫ್ರೆಂಡ್ಸ್ ಇಲ್ಲ... ಒಂದ್ ಕೆಟ್ಟ ಚಟ ಇಲ್ಲ...

ಸೆಕೆಂಡ್ ಇಯರ್ ಸುರು ಆದದ್ದೇ ಗಂಡ್ ಒಂದ್ನಮ್ನಿ ಮಾಡುಕ್ ಸುರು ಮಾಡ್ತ್, ಅದೇ ಮುಂಗಾರು ಮಳಿ ಗಣೇಶನ್ ಕಂಡಾಗೆ..  ಗಂಡ್ ಸಮಾ ಮನಿ ಕಂತಿಲ್ಲಾ , ಉಂಬುಕ್ ಬೇಡಾ ಅಂತ, ಕೊಣಿ ಬಾಗ್ಲ್ ಹಾಯ್ಕಂಡ್ ಇರ್ತಾ ... ಅಬ್ಬಿಗ್ ಕೆoಡ್ ಕೆoಡ್ ಸಾಕಾಯ್ತ್ ... ಗಂಡ್ ಒಳ್ಳೆ ಓದ್ತಾ ಅಂದಿಕ್ ಅವ್ರು ಸುಮ್ನಾರ್... ಹೊಯ್ ಆದ್ರೆ ವಿಷ್ಯಾ ಇಪ್ಪುದ್ ಬ್ಯಾರೆನೇ ..... ನೀವ್ ಮನ್ಸಾಗೆ ಅಂದಾಜ್ ಮಾಡ್ಕಂದ್ರಾಲೆ....


ವಿಷ್ಯಾ ಎಂತಾ ಗೊತಿತ್ತಾ ? ಅವ್ನ್ ಕ್ಲಾಸಲ್ ಒಂದ್ ಹುಡ್ಗಿ ಇದ್ಲೆ, ಗೌರಿ ಅಂದೆಲಿ.... ಸೆಕೆಂಡ್ ಇಯರ್ ಸ್ಟಾರ್ಟ್ ಆಪುಕು ಆ ಹುಡ್ಗಿ ನಮ್ ಗಂಡಿನ್ ಕಂಡ್ ಸ್ಮೈಲ್ ಕೊಟ್ಟದ್ದೆ ಕೊಟ್ಟದ್ , ನಮ್ ಗಂಡ್ ತಲಿ ಕೆಡ್ಸ್ಕಂದ ...
ಹೀಗೆ ಒಂದ್ ತಿಂಗಳ್ ನಡಿತೆ... ನಮ್ ಗಂಡಿಗ್ ಅವ್ಳ್ ಸ್ಮೈಲ್ ಒಂದೇ ಮನ್ಸಲ್... ಓದುಕ್ ಬೇಡಾ ಉಂಬುಕ್ ಬೇಡಾ.... ವಿಷ್ಯಾ ಇಷ್ಟೇ ಅಲ್ದೆ ... ಒಂದಿನ ಗೌರಿ ನಮ್ ಗಂಡಿನ್ ಹತ್ರಾ ಬಂದ್ ಮಾತಾಡ್ಸೆ ಬಿಟ್ಟಾಲ್.

"ನೀವ್ ಗಣೇಶ್ ಆಲ್ವಾ ... ತುಂಬಾ ಹುಷಾರ್ ಮರ್ರೆ ನೀವ್ , ನಾವ್ ಸ್ವಲ್ಪ ದಡ್ಡ... ಸ್ವಲ್ಪ ಎಕಾನೋಮಿಕ್ಸ್ ಹೇಳ್ ಕೊಡ್ತ್ರ್ಯಾ ??, ನಾನ್ ನಿಮ್ ಬಸ್ಸಾಗೆ ಬಪ್ಪುದ್, ಸುಮಾರ್ ದಿನ್ ದಿಂದ ಕೆನ್ಕ್ ಅಂದಿಕ್ ಮಾಡಿದೆ ಆಯ್ಲೇ ಇಲ್ಲ " ಒಂದೇ ಉಸ್ರಾಗ್ ಮುತ್ ಉದರ್ಸದಾಂಗ್ ಹೇಳ್ ಬಿಟ್ಟಲ್... ನಮ್ ಗಣೇಶ ಪಾಪ ಬಾಯಿ ಕಳ್ದ್ರು ಒಂದ್ ಶಬ್ದ ಬತ್ತಿಲ್ಲ.... ಹೆಂಗೋ ಸುಧಾರಣಿ ಮಾಡ್ಕಂಡ್ , "ಆಯ್ತ್ ಹೇಳಿ ಕೊಡ್ತೆ ಅಂದಾ". ಹೇಳಿ ಕೊಡುದ್ ಎಂತಾ ಕರ್ಮಾ... ಗಂಡ್ ಒಂದೇ ಮಾತಿಗ್ ಮನ್ಸ್, ಹೃದಯ ಎಲ್ಲ ಕೊಟ್ಬಿಟ್ಟ ... ನಮ್ ಗಣೇಶಂಗೆ  Kuch kuch hogaya, ಇದು ಎದೆ ಚುಚ್ಚೋ ಚುಚ್ಚೋ ವಿಷಯ!!
 Dil to Pagal Ho gaya.....
 ಇದು ವಾಸಿಯಾಗದ ಹುಚ್ಚ್ ಅಂದಿಕ್ ಮಾತ್ರ  ಗಂಡಿಗ್ ಗೊತ್ತಿಲಾ

ಗಂಡ್ ಕನ್ಸಿನ್ ಗೋಪ್ರಾ ಕಟ್ಟೆ ಬಿಟ್ಟಾ.... ಅದ್ ಆದದ್ದು ಹಾಂಗೆ ಮರ್ರೆ... ಎಕಾನೋಮಿಕ್ಸ್ ಕಲ್ಸಿ ಕೊಡುದಲ್ ಇಬ್ರೂ ಫುಲ್ ಕ್ಲೋಸ್ ಆಯೇ ಬಿಟ್ರ್... ಕಡಿಕ್ ಎಂತಾ ಕೆಂತ್ರೀ....  ಕ್ಲಾಸ್ ಆಪತಿಗ್ ತಿರ್ಗಿ ತಿರ್ಗಿ ಸ್ಮೈಲ್  ಕೊಡುದ್ ಕಾಣ್ಕಿತ್  ನೀವ್ ... ಬಸ್ಸಲ್ ಇವಾ ದಿನಾ ಸೀಟ್ ಹಿಡ್ಕಂಡ್ ಅವ್ಳಿಗ್ ಕೊಡುದ್ .... ಯಾರಾರು ಅವ್ಳಿಗ್ ಹಿಲಾಲ್ ಹಾಕ್ರೆ ಹೊಯ್ ದಬಾಯ್ಸುದ್ ... ಒಂದಾ ಎರಡಾ ಮರ್ರೆ... ಕಡಿಕ್ ಒಂದಿನ  ಅವ್ಳ್ ಮೊಬೈಲ್ ಹಿಡ್ಕಾ ಇವ್ನ್ ನಂಬರ್ ಕೆಂಡಾಲ್ ... ಗಂಡ್ ನಾಳಿ ಹೇಳ್ತೆ ಅಂದ್ ಮನಿಗ್ ಬಂದವ್ನಂದ್ ಒಂದೇ ಹಠ ... ನಂಗ್ ಇವತ್ತೇ ಮೊಬೈಲ್ ಕೊಡ್ಸಿ, ಇಲ್ಲಾಂದ್ರೆ ನಾನ್ ಊಟಾನು ಮಾಡುದಿಲ್ಲ , ಕಾಲೇಜಿಗೂ ಹೊತಿಲ್ಲಾ ಅಂದಿಕ್... ಅಬ್ಬಿ ಪ್ರೀತಿಯಿಂದ ಹೇಳದ್ರೂ ಕೆನ್ಳಿಲ್ಲಾ... ಅಪ್ಪಯ್ಯ ಬೈದ್ರೂ ಕೆನ್ಲಾ.... ಕಡಿಕ್ ಅಬ್ಬಿ ಎಲ್ಲೋ ಸಾಲ ಮಾಡಿ ೨೦೦೦ ತಂದ್ ಕೊಟ್ಟಾಲ್... ಮೊಬೈಲ್ ಕೈಗ್ ಸಿಕ್ಕದ್ದೇ ತಡ ದುರ್ಗಾಂಬ ಬಸ್ ಏಜೆಂಟ್ ಎಂಟ್ರಿ ಮಾಡದ್ ಕಿಂತ ಫಾಸ್ಟ್ ಇವ್ರ್ sms ...  ರಿಪ್ಲೈ ಕೊಡುಕ್ ಓದ್ನಿಂಶ ಲೇಟ್ ಆರು ನಾಕ್ ಮಿಸ್ ಕಾಲ್ ಕೊಡುದ್ ...

ಹೊಯ್ ಸ್ವಲ್ಪ ಉದ್ದಾ ಆತಿತ್ ..... ಶೆನ್ಕ್ ಮಾಡ್ತೆ ... ಇವ್ರ್ ಲವ್ ಆದ್ದ್ ವಿಷ್ಯಾ ಇನ್ನೊಂದ್ ಸ್ಟೋರಿ ಮಾಡಿ ಬರಿತೆ... ಈಗ ಮುಂದಿನ್ ಕತಿ ಹೇಳ್ತೆ... ಲವ್ ಗಿವ್ ಎಲ್ಲ ಜೋರ್ ನಡಿತೆ.... ಆರೇ ಗಂಡ್ ಸೆಕೆಂಡ್ ಇಯರ್ ಡುಮ್ಕಿ ಹೊಡಿತ್... ಎಕಾನೋಮಿಕ್ಸ್ , ಇಂಗ್ಲಿಷ್ ಎರಡರಲ್ಲೂ ಫೇಲ್ ... ಗೌರಿ ಮಾತ್ರ ಜಸ್ಟ್ ಪಾಸು ... ಮನಿಗ್ ಎಲ್ಲ ವಿಷ್ಯ ಗೊತ್ತಾಯ್ ಅಬ್ಬಿ ಮರ್ಕುದ್ ಕಾಮ್ಬುಕ್ ಆಯಿಲ್ಲ .. ಗೌರಿ ಹೆಣ್ ಈಗ ಸರಿ ಮಾತಾಡ್ಸುದಿಲ್ಲ ... ಮಿಸ್ ಕಾಲ್ ಇಲ್ಲ... ರಿಪ್ಲೈ ಇಲ್ಲ... ಗಂಡಿನ್ ಮಂಡಿ ಹಾಳೈತ್... ರಜಿ ಬೇರೆ ... ಟೈಮ್ ಪಾಸು ಆತಿಲ್ಲ... ಗಂಡ್ ಮಂಜನ್ ಅಂಗ್ಡಿಗ್ ಹೊಯ್ ಕುಕಂಡ್ ಪಂಚೈತಿ ಮಾಡುದ್... ಹಾಗೆ ಸಿಗರೆಟ್ ಎಳುಕ್ ಕಲ್ತ... ಗೌರಿಗ್ ಮೆಸೇಜ್ ಮಾಡಿ ಮಾಡಿ ಅವ್ಳ್ ರಿಪ್ಲೈ ಮಾಡಿ ಅವ್ಳತ್ರ ಬಯ್ಸ್ಕಂಡ್.. ಕೊನೆಗೂ ಮೊನ್ನೆ ಸಿಕ್ದಾಳ್... ಅದೇ  ಕಳ್ದ್ ವಾರ   ಮಂಜನ್ ಅಂಗ್ಡಿಗ್ ಬಪ್ಪು ಮುಂಚೆ...... ಮಂಜ ಗಂಡಿಗ್ ಖುಷಿ ಆಯ್ಲಿ ಅಂದೆಲಿ ಗೌರಿಗ್ ಬಯ್ದದ್ದೆ ಬಯ್ದದ್.. ಆ ಹೆಣ್ಣ್ ಸರಿಯಿಲ್ಲ , ಅವ್ಳ್ ಗುಣ ಸರಿಯಿಲ್ಲ ಅಂದಿಕ್ ಊರಿಗೆ ಹೇಳುಕ್ ಸುರು ಮಾಡ್ಕಂಡ... ಪಾಪ ಹೆಣ್ಣ್ ಮರ್ರೆ...

ಹೊಯ್ ಒಂದ್ನಿಮಿಷ ಗಣೇಶ ಕಾಲ್ ಮಾಡ್ತಿದ್ದ..
"ಹೆಲೋ... ಗಣಿ ಎಂತಾ ಆಯ್ತಾ ????"
"..... .............. .......... .. ............... .. ... ........"
" ಲೆಟರಾ.... ಎಂತಾ ಅಂದಿಕ್ ಬರ್ದಿದಾಲ್ ... ?? "
"... ........... ...... .............."
"ಹೌದಾ !!!! ನಾವ್ ಎನ್ಸಕಂಬುದೆ ಬೇರೆ ಅದ್ ಆಪುದೆ ಬೇರೆ, ನಿನ್ ತಳಿ ಕೆಡ್ಸ್ಕನ್ ಬೇಡಾ, ಲೆಟರ್ ತಕ ಮಂಜನ್ ಅಂಗ್ಡಿ ಹತ್ರ ಬಾ ಈಗ ಸಿಕ್ತೆ "
"ಬೈ "

ಹೊಯ್ ನಾವ್ ಎನ್ಸಕಂಬುದೆ ಬೇರೆ ಅದ್ ಆಪುದೆ ಬೇರೆ , ಅರ್ಜೆಂಟ್ ಮರ್ರೆ.... ಕಡಿಕ್ ಸಿಕ್ತೆ.....

Short Story : ಮನ್ಸ್ ಗಟ್ಟಿ ಮಾಡ್ಕನಿ

"ಈಗಿನ್ ಕಾಲದ್ ಹುಡ್ಗೀರ್ ನಂಬ್ಕoಬುದು ಒಂದೇ ನಮ್ ಕಾಲ್ ಮೇಲೆ ನಾವೇ ಕೊಡ್ಲಿ ಹೊಡ್ಕಂಬುದು ಒಂದೇ...." ಅಂದ್ಕ ಗೊನ್ಗುಕ್ ಸುರು ಮಾಡ್ದ ನಮ್ ಗಣೇಶಾ.

" ನಾನ್ ಹೇಳೋತಿಗ್ ಕೇನ್ ಬ್ಯಾಡ ಗಡ... ನಿಂಗ್ ಈ ಪಿರಾಯದಲ್ ಇದೆಲ್ಲ ಬೇಕಿದ್ದಿತನಾ ??? " ಗೂಡಂಗಡಿ ಮಂಜಂದು ಸುರು ಆಯ್ತ್ .

"ಹೊಯ್ ನೀವ್ ಇಗಾ ವಿಷ್ಯಾ ಗೊತ್ತಿಲ್ದೆ ಎಂತೆಲ್ಲಾ ಹೇಳ್ಬೇಡಿ .... ಮದ್ಲೆ ಮಂಡಿ ಹನ್ನೆಯ್ದಾಣಿ ಆಯಿತ್ " ಮೊಬೈಲ್ ಒತ್ತಿ ಒತ್ತಿ ಹೇಳ್ದಾ ಗಣೇಶಾ

" ನೀನ್ ಎಂಥಾ ನಂಗ್ ಗೊತ್ತಿಲ್ಲಾಂದಿಕ್ ಮಾಡಿದ್ಯಾ ? ನೀನ್ ಆ ಗೌರಿ ಹೆಣ್ಣಿನ್ ಹಿಂದ್ ಬಿದ್ದದ್ ವಿಷ್ಯಾ ನಮ್ಗ್ ಯಾವಗ್ಲೋ ಗೊತ್ತಿದ್ದಿತ್ ... ನಿಂಗ್ ಆ ಮಿಡ್ಕನಿ ಹೆಣ್ಣ್ ಬಿಟ್ಟ್ ಬೇರೆ ಯಾರ್ ಸಿಗಲ್ಯಾ ಮರ್ರೆ ? " ಟಿವಿ 9 ನಿವ್ಸಲ್ ಕಂಡಾಂಗ್ ಹೇಳ್ದ ಮಂಜ.

ಇವ್ರಿಗೂ ವಿಷ್ಯಾ ಗೊತಿತ್ ಅಂದಿಕ್ ಗಣೇಶಾ ಬಾಯಿ ಮುಚ್ಕಂಡ....

ಮಂಜ ಸುಮ್ನೆ ಬಿಡ್ತ್ನಾ ?, " ಎಂಥ  ಗಡಾ ಮದಿ ಗಿದಿ ಆಪು ಆಲೋಚ್ನಿ ಇತ್ತನಾ ? " ಅಂದ್ ಕೆಂಡಾ...

"ಮದಿಯಾ ???  ಹುಲಿ ಹಿಡಿತ್ ಮದಿಗೆ.... ನಿನ್ನೆ ಒರೆಗ್ ಮರ್ರೆ ನಿನಿಲ್ದಿರ್ ಬದ್ಕುಕ್ ಆತಿಲಾ... ಬೇಗಾ ಮದಿ ಆಪೋ ಅಂತಿದ್ದಿಲ್... ಇವತ್ ...? ಹಾಳಾಯಿ ಹೊಯ್ಲಿ  Bristol ಇತ್ತಾ ?? " ಅಂದಿಕ್ ಮಂಡಿ ಕೆರ್ಕಂಡ ಗಣೇಶಾ

"ತಗಾ" Bristol ಕೊಡ್ತಾ ಮಂಜ ಕೆಂಡಾ " ಎಂತಾ ಆಯ್ತಂಬ್ರ್ ಇಗಾ ? "

"ನಮ್ ಮದಿಗ್ ಮನಿಯರ್ ಒಪ್ಪುದಿಲ್ಲ , ಮನ್ಸ್ ಗಟ್ಟಿ ಮಾಡ್ಕನಿ , ನನ್ನ್ ಮರ್ತ್ ಹೋಗ್ ಅಂತಲ್ ಮರ್ರೆ....", ಗಣೇಶಾ ಮರ್ಕುದ್ ಒಂದೇ ಬಾಕಿ...

"ಗಟ್ಟಿ ಮಾಡ್ಕಂಬುಕ್ ಅದೆಂತಾ ತಿಂಬು ಬನ್ಸಾ ? ಹೆಣ್ಣಿನ್  ಜನ್ಮುವೆ ...   ಕಪಾಲಿಗ್ ನಾಕ್ ಬಾರ್ಸ್ಕಿದ್ದಿತ್ ... " ಮಂಜ ಬೆಂಕಿಗ್ ತುಪ್ಪ ಹಾಕ್ದ

"ನಾನ್ ಒಳ್ಳೆ ಗೌರಿ ಗಣೇಶನ್ ಜೋಡಿ ಕನ್ಸ್ ಕಂಡದ್ದೇ ಬಂತ್ .... ಈಗ ಫುಲ್ ಟೆನ್ಶನ್ ಮರ್ರೆ ... ಅವ್ಳಿಗ್ ಮೆಸೇಜ್ ಕಲ್ಸ್ದಿರೆ ನಿದ್ರಿ ಬತ್ತಿಲ್ಲ ಮರ್ರೆ... ಎಂತ ಮನ್ಸ್ ಗಟ್ಟಿ ಮಾಡ್ಕಂಬುದೋ ... ನಂಗೆ ಹೀಗ್ ಆಯ್ಕ ಮರ್ರೆ ??? ".... ಗಂಡ್ ಮರ್ಕುಕೆ ಸುರು ಮಾಡ್ತ್

"ನೀನ್ ಗಂಡ್ಸಾಯ್ಕಂಡ್ ಮರ್ಕುದ ಮರ್ರೆ ... ಅವ್ಳ್ ಅಲ್ದಿರೆ ಅವ್ಳ್ ಅಬ್ಬಿ ಸಿಕ್ತಾಳ್... ನೀನ್ ಟೆನ್ಶನ್ ತಕಣ್ ಬೇಡ... ಇನ್ನೊಂದ್ bristol ಬೇಕಾ?? " ಮಂಜ ವ್ಯಾಪಾರ ಮಾಡು ಆಲೋಚ್ನಿಯಲ್ ಹೇಳ್ದಾ...

"ಎನ್ತಾದು ಬ್ಯಾಡ ಮಂಜಣ್ಣ..  ಮನಿಗ್ ಹೊಯಿಕಂಡ್  ಬಿದ್ಕಂತೆ .... ಬಪ್ಪುದ?... ಹೊಯ್ ವಿಷ್ಯಾ ಯಾರಿಗೂ ಹೇಳುಕ್ ಹೊಯ್ಬೇಡಿ ಮರ್ರೆ, ಮರ್ಯಾದಿ ಪ್ರಶ್ನೆ "...  ಅಂದಿಕ್ ಗಣೇಶಾ ಹೊರ್ಟೆ ಬಿಟ್ಟ

"ಈ ಮಕ್ಲಿಗ್ ಇದೆಲ್ಲಾ ಬೇಕಾ ಗಟ್ಟಿ ಬನ್ಸ್ ತಿನ್ಕ ತಿರ್ಗುದ್ ಬಿಟ್ಟ್ ... ಮನ್ಸ್ ಗಟ್ಟಿ ಮಾಡ್ಕಂತ್ರಮ್ಬ್ರ್ ...ಹ್ವಾ ಎರ್ಡ್ ರೂಪಾಯಿ ನೆನ್ಪಿಂದ್ ಕೊಡ " ಅಂದ್ಕ ಚಾ ಮಾಡುಕ್ ಸುರು ಮಾಡ್ದ ಮಂಜ